Темпото на раст на американската економија во првите три месеци од годината е 2,5 отсто, бидејќи намалувањето на владината потрошувачка го неутрализира скокот на личната потрошувачка и инвестициите, соопшти американското Министерство за трговија.
Првата проценка на растот на бруто домашниот производ во првиот квартл укажува на солидно заздравување во однос на скромниот раст од 0,4 отсто од претходниот квартл, но е под прогнозата на аналитичарите од 2,8 проценти.
Личната потрошувачка е зголемена за 3,2 отсто, што зборува за забрзување на растот во однос на четвртиот квартл, а деловните инвестиции бележат раст од 2,1 проценти, но со поспоро темпо.
Но, владината потрошувачка, која беше погодена со буџетските резови во тој квартл, продолжи да ја гуши економијата и забележа пад за 9,4 отсто.