Путин потпиша указ со кој ќе може да се запленува американскиот имот во Русија

Од:

Рускиот претседател Владимир Путин потпиша указ за постапката за обештетување на Русија и на Централната банка на Русија за штетите „предизвикани од непријателските дејствија на САД“, со кој се предвидува Москва да може да заплени американски имот во Руската Федерација.

Запленетиот имот ќе биде искористен за компензација на Москва за штетата предизвикана од запленувањето на руски имот во САД, пренесува Комерсант.

Според декретот, доколку судот во Русија утврди незаконско заплена на руски имот од страна на американската влада и судските власти, тој мора да ги проследи собраните информации до Комисијата за контрола на странски инвестиции на Руската Федерација.

После тоа комисијата ќе утврди со кој имот може да се плати причинетата штета, се посочува во документот.

Регулативата забележува дека движен или недвижен имот на државјани на САД или на САД, хартии од вредност во сопственост на државјани на САД или на САД, како и американски акции во капиталот на руски правни лица или американски имотни права може да се користат како отштета.

Уредбата стапи на сила, а Владата на Русија мора да направи соодветни измени во руското законодавство во рок од четири месеци.

Би можело да ве интересира

Разговараа американскиот и рускиот министер за одбрана, објавија различни верзии за разговорот

ВИДЕО: Силен удар на Крим, убиени две деца

Предраг Петровиќ

Украинци мислеле дека бегаат од земјата, па биле регрутирани „на измама“

Предраг Петровиќ

Во соседтвото никнува најголемата НАТО база во Европа

ВИДЕО: Русија рано утринава нападна, снимени руски ракети кои летаат кон Киев

ВИДЕО: Руските напади уништија голем дел од украинската енергетска инфраструктура