Конзервната фабрика „Хина Продуктс“ од Гевгелија освои неколку престижни признанија за своите производи на Меѓународниот саем за земјоделство во Нови Сад, меѓу кои и за македонскиот ајвер кој уште еднаш ги потврди квалитетот и автентичноста по кои е препознатлив секаде во светот.
– Навистина сме горди што добивме вакви признанија за квалитетот на нашите производи на реномирана манифестација со долга традиција како што е Саемот во Нови Сад. Нашите производи се прават по традиционален рецепт од свежи и внимателно избрани зеленчуци и овошје. Овие награди се поттик повеќе за нас да продолжиме да нудиме гарантиран квалитет на домашниот и на странските пазари, рече Десанка Алчинова од „Хина Продуктс“.