Полска во 2015 година ќе реши дали да го прифати еврото, изјави претседателот Бронислав Коморовски.
Коморовски појасни дека одлуката треба да биде донесена по парламентарните и претседателските избори по две години. – Дотогаш е неопходно да се фокусираме врз покривањето на неопходните критериуми за воведување на еврото, истакна тој.
Полски експерти, меѓутоа, потсетуваат дека пред да влезе во еврозоната, земјата прво треба да се присоедини кон Европскиот монетарен механизам и да поминат две години.
За воведување на еврото освен тоа е неопходно да бидат преземени соодветни промени во уставот и јавноста да биде убедена да се откаже од националната валута – злотата, нешто кон што голем број Полјаци се однесуваат скептично.