Неколку десетици високи шпански службеници, кои добиваат обесштетување поради отпуштањето од работа, се откажаа од тие пари, со што во буџетот ќе се заштедат 4,7 милиони евра, изјави претставник на шпанската Влада.
Од вкупно 85 високи шпански службеници, кои имаат право на обесштетување, само 21 се согласиле да продолжат да ја примаат таа сума.
Овие службеници биле во составот на поранешната администрација на социјалистичката влада на Хозе Луис Сапатеро.
Шпанија се обидува да го намали буџетскиот дефицит од 8,9 проценти од Бруто домашниот производ во 2011 година на 6,3 отсто во тековната година и на 4,5 проценти во 2013. Во 2014 година Шпанија треба да има дефицити од три проценти од БДП. За таа цел шпанската Влада спроведува драконски мерки за штедење.
Невработеноста во Шпанија изнесува 25 проценти.