Како што усвојувањето на криптовалутите се забрза во 2025 година, така и измамите и финансиските злоупотреби еволуираа со исто темпо. Поттикнати од вештачка интелигенција, социјален инженеринг и сè пософистицирани тактики, современите измами ги разоткрија ограничувањата на традиционалните, реактивни безбедносни пристапи. Како одговор, Binance го пренасочи својот фокус — од едноставно спречување измами кон изградба на постојано адаптивна безбедносна рамка, способна да се развива заедно со новите закани.
Само во 2025 година, Binance спречи 6,69 милијарди долари потенцијални загуби од измами, од кои 3,9 милијарди долари беа директно поврзани со обиди за измами како лажно претставување, преземање сметки и измами при банкарски трансфери. Во исто време, платформата успешно поврати повеќе од 12,8 милиони долари украдени средства, што претставува раст од 41% на годишно ниво. Во просек, Binance помогна во поврат на средства за над 4.000 корисници месечно, односно повеќе од 48.000 успешни поврати во текот на годината.
Наместо да се потпира на една линија на одбрана, Binance имплементираше повеќе слојниот анти-измамнички екосистем, изградена околу проактивна детекција, брза интервенција и континуирана едукација на корисниците. Во 2025 година, платформата стави на црна листа повеќе од 36.000 малициозни адреси и испраќаше над 9.600 предупредувања во дневно, алармирајќи ги корисниците во најкритичните моменти — често непосредно пред да се изврши трансфер на средства.
Една од најбрзо растечките закани беше измама со безбедносната фраза на крипто паричник, при која измамниците се претставуваат како претставници на Binance и ги наведуваат корисниците да ги префрлат средствата во паричници под нивна контрола. Месечниот број на вакви случаи надмина 600 во јануари, но благодарение на насочени мерки за управување со ризик и едукација, бројот беше намален на помалку од 170 случаи до ноември.
Свесен дека стравот и паниката често доведуваат до лоши одлуки, Binance го прошири и човечкиот сегмент на поддршка. Бројот на мобилни повици во апликацијата до корисници под ризик порасна за 20% на годишно ниво, со над 36.000 повици упатени до потенцијални жртви. Посебно внимание беше посветено на ранливи категории корисници, вклучувајќи ги постарите лица, кои добија повеќе од 110.000 персонализирани предупредувања за висок ризик во 2025 година.
Овие напори се организирани околу Четирите столба на заштита од измами на Binance:
Проактивна заштита, 24-часовна безбедносна мрежа, Брз одговор и поврат на средства и Поддршка за „тивки жртви“. Заедно, тие ѝ овозможуваат на Binance рано да ги идентификува заканите, да замрзне средства во критичен рок од 24 часа, да соработува со полициските и истражните служби и да ги води жртвите низ процесот на поврат — дури и кога корисниците се двоумат да пријават инцидент.
Вештачката интелигенција игра централна улога во оваа стратегија. Binance користи машинско учење за да открие измамнички јазик во P2P разговори, да идентификува лажни докази за плаќање, анализира податоци за однесувањето при трансакции и да го забрза процесот на обработка на пријави за измами. Овие системи управувани од вештачка интелигенција значително го намалуваат времето на реакција, додека постојано се приспособуваат на нови модели на напади.
На крајот, Binance нагласува дека безбедноста е заедничка одговорност. Додека напредната технологија и тимовите за истражување работат зад сцената, корисниците се охрабруваат сериозно да ги сфаќаат предупредувањата, да ги проверуваат комуникациите преку Binance Verify, да активираат анти-фишинг кодови и веднаш да пријавуваат каква било сомнителна активност.
Во година во која брзината и измамата беа клучни карактеристики на повеќето напади, брзата повеќе слојна одбрана на Binance помогна потенцијалните загуби да се претворат во успешни поврати, зацврстувајќи ја довербата и создавајќи побезбедна средина додека усвојувањето на криптовалутите продолжува да расте.