Претседателот на САД Барак Обама побара од Конгресот одобрение за воведување „историски“ реформи во правилата за гласање во Меѓународниот монетарен фонд.
Реформите беа изгласани во 2010 година.
Главниот резултат од тоа ќе биде засилување на влијанието на држави како Кина врз работата на меѓународната финансиска институција.
Паралелно со прифаќањето на неопходните законски инструменти за реформи во ММФ, Министерството за финансии на САД побара да биде одобрено префрлање 65 милијарди долари од кризниот фонд на ММФ во квотата на САД. Тој чекор според западни медиуми, е неопходен за да се обезбеди финансирање на американската администрација до крајот на финансиската 2013 година.