Руските странски валутни резерви се намалени во овој месец во момент на борба на властите да спречат пад на рубљата, соопшти Централната руска банка.
Резервите на Банката во странска валута се намалени под 400 милијарди долари за првпат од финансиската криза во 2009 година. На 19 декември тие биле во износ од 398,9 милијарди долари.
Само за една недела – од 12 до 19 декември, валутните резерви се намалени за 15,7 милијарди долари.
Вредноста на руската валута се намали на историски ниско ниво минатата недела кога едно евро се менуваше за 100 рубљи. Рубљата се стабилизира по интервенција на Централната банка до ниво – 66 рубљи за едно евро и 54 рубљи за долар.