„За жал, кусогледоста на економскиот тим на Владата, дополнет со Спасовски и Зоран Заев попречува да се види шансата која стои преку искористување на средствата од пензискиот фонд, а кој за македонската економија ќе значат дополнителни 200 милиони евра.
Но, тоа не е случај естонскиот премиер и влада, кој ја презема истата мерка којашто и ја предлагав на Владата пред една недела, а тоа е да се искористат парите од вториот пензиски фонд без да се доведат во било каков ризик средствата на осигурениците“, вели претседателот на ВМРО-ДПМНЕ, Христијан Мицкоски.
„Оваа мерка не беше добра за Заев и Спасовски, но е одлична за естонскиот премиер. Или свесно не сакаат да ги преземат мерките кои се добри затоа што е во прашање суетата, или не се разбираат во економија.
Но, што и да е од двеве причини, едно е јасно дека сето ова се удира врз грбот на македонските граѓани.
Истата мерка според Асошијетед прес ќе ја имплементираат и други европски држави“, изјави претседателот на ВМРО-ДПМНЕ, Христијан Мицкоски.