На светскиот саем за храна „Зелена недела“ во Берлин, не е поставен штанд што ќе ја промовира нашата земја.
Од Министерството за земјоделство, шумарство и водостопанство велат дека компаниите немаат интерес за учество на овој саем, поради што и не им била обезбедна поддршка. Министерството појаснува дека Македонија нема штанд на „Зелената недела“ најмалку шест години.
„МЗШВ поддржува учество на саеми за кои има барање од бизнис заедницата. За овој саем нема интерес и затоа нема поддршка“, велат од министерството.
Додаваат дека во моментот кога фирмите ќе покажат интерес и министерството ќе им обезбедни поддршка за учество и штанд.