Левица: Потрошувачка кошничка на ДПМНЕ – леб и сол за народот, луксуз за власта

Од:

„Наместо вистински реформи за подобрување на стандардот на граѓаните, десничарската влада предводена од ВМРО-ДПМНЕ реши да го редефинира самото значење на сиромаштијата. Не ја зголемуваат минималната плата – напротив, се нафатија да ја прекројуваат потрошувачката кошничка, да ја сведат на леб и сол, за утре да можат да кажат дека „се живее“ со бедните плати што ги испорачуваат и со високите цени на кои никако не им застанаа на пат“ соопштија денеска од Левица.

Од партијата велат „оваа ненародна власт не само што не ја чувствува реалноста, туку и свесно ја искривува. Според сите официјални податоци, најзастапени домаќинства во државата се четиричлените, но тие решија пресметките да ги прават за тричлено семејство, само за да ја намалат сумата и да си ја оправдаат социјалната нечувствителност. Ова е бесрамен обид системски да се избрише реалната беда – не преку решавање, туку преку статистичко манипулирање“.

„Потсетуваме дека додека народот го учат дека летување е луксуз, а цигарите и алкохолот се недозволива разонода, владата на ВМРО-ДПМНЕ брутално се расфрла со народни пари. Летаат со приватни авиони, јадат папаја и аспарагус, готват октоподи и бифтек од млади говеда стари од 18 до 24 месеци – сè на трошок на буџетот кој го полни работникот! Тоа е нивниот ‘реформски’ морал: леб и сол за народот, луксуз и раскош за врхушката. Оваа власт не само што не предлага мерки за подобрување на стандардот, туку свесно ја блокира и одбива секоја иницијатива што оди во корист на обичниот човек. Потсетуваме дека пратеничката група на Левица предложи низа закони од областа на трудовото право, со цел гарантирање на достоинствени работнички услови и подобрување на квалитетот на живот на граѓаните, но ненародното владејачко мнозинство на ВМРО-ДПМНЕ, ВРЕДИ и ЗНАМ ги одби сите предлози“ е ставот на Левица.

Би можело да ве интересира

Црвена младина: Мицкоски е отсечен од реалноста – младите не формираат семејства поради ужасни услови за живот

Левица: Африм Гаши, уценет од ВМРО-ДПМНЕ, илегално ја поништи закажаната Надзорна расправа за Кочани

Левица: ЕУ директно го негира македонскиот идентитет преку сестринските партии на ДПМНЕ и СДС

Левица со амандман бара 600.000 евра за обезбедување престој за жртвите на семејно насилство

Левица: Пензионирани пилоти и ова лето ќе гаснат пожари – пожарникарите не поседуваат ниту минимум потребна опрема

Левица: Македонскиот народ сè помалку верува во членство на државата во ЕУ