Yahoo ја купи мобилната стартап компанија Summly за 30 милиони долари. Ова го соопшти агенцијата “Блумберг”, а зделката беше прогласена официјално вчера, но без притоа да се споменуваат детали околу неа.
Парите ќе одат во џебот на 17-годишниот сопственик на Summly Ник Д’Алоисио.
Освен што ќе ја добие огромната сума 17-годишниот Д’Алоисио ќе пристигне на работа во Yahoo, заедно со дел од своите колеги од Summly.
Зделката е уште еден потег од стратегијата на главниот извршен директор на Yahoo, Мариса Маер да се фокусира компанијата на персоналните веб услуги кои се достапни во мобилните уреди.
Во интервју за британските медиуми, изјави: “Со парите ќе си купам нови патики “Најк” и најверојатно нов компјутер, но сега за сега јас само сакам да ги ставам парите во банка и да ги чувам, немам многу трошоци.”