Скокот од седум места за Република Македонија во Извештајот за конкурентност на Светскиот економски форум е доказ за успешното работење и реформите во државата кои се клучни за економскиот развој, изјави денеска во Миравци премиерот Никола Груевски.
– По прв пат во историјата имаме скок од седум позиции. Тоа е клучно за развојот на економијата, тоа е доказ за успешното работење, промените и реформите. Не само што донесовме закони, туку и ги имплементиравме, а тоа се цени при подготовката на овој Извештај, рече Груевски.
Тој нагласи дека Македонија е земја со најголем раст во регионот и над просекот во регионот. Посебен државен тим работи на оваа проблематика, а ова позитивно придвижување го чувствуваат не само инвеститорите, туку и во домашната економија се чувствуваат позитивните промени.