Американскиот автомобилски гигант General Motors најави дека во Мичиген ќе отвори нов информативно-технолошки центар, каде има намера да вработи до 1.500 лица.
Тоа е вториот од вкупно четири планирани иновациски центри, вклучувајќи го неодамна најавениот во Остин во Тексас, каде ќе бидат вработени 500 лица.
„Моментно сме во потрага по нова генерација визионери кои би помогнале во покренувањето на нова ера во автомобилските иновации во General Motors“, се вели во соопштението на компанијата.
Најголемиот американски производител на автомобили планира да се пренасочи на информатичко-технолошки модел базиран на сопствени решенија со цел да ја подобри изведбата, се намалат трошоците на тековното работење и да се подигне нивото на иновации за купувачите на производите на General Motors.