BMW ја претстави Серија 3 GT, која претставува пет-вратна лифтбек верзија од компактниот луксузен седан наменет за оние кои сакаат попрактична варијанта од Серија 3.
Серија 3 GT е базирана на караван варијантата, но е 200mm подолга, за околу 80mm повисока и 20mm поширока, со 110mm подолго меѓуоскино растојание.
Европските купувачи ќе имаат избор од три бензински агрегати, 320i – 2.0 литарски трубо мотор со 184кс, 328i – 2.0 литарски турбо мотор со 245кс и 335i – 3.0 шестцилиндарски турбо мотор со 306кс.
Понудата на дизел агрегати ќе ја опфаќаат два четири цилиндарски дизели, 318d со 143кс и 320d со 184кс.
Моделите со погон на сите тркала се очекува да се придружат на гамата малку подоцна.