Единаесет земји од еврозоната денеска од остантите европски партнери добија зелено светло за воведување на контроверзниот данок на финансиски трансакции (ДФТ), изјави францускиот заменик министер за финансии Беноа Хамон.
-Механизмот за засилување на соработката е одобрен, рече Хамон, мислејќи на постапката што на група од минимум девет земји, односно третина од членките н ЕУ, им овозможува да покренат и спроведат во дело соодветна законодавна иницијатива, пренесуваат француските медиуми.
Велика Британија остро се спротивстави на усвојувањето на ваквата иницијатива, но не застана на патот на воведувањето на ДФТ, што првично го предложија Франција и Германија, на кој потоа им се приклучија и Австрија, Белгија, Грција, Португалија и Словенија, а по нив и Италија, Шпанија, Словачка и Естонија.
Европската комисија предложи да се воведе данок од 0,1 отсто на трговијата со акции, а трговијата со финансиските деривати да се оданочува со 0,01 отсто.