Бензините од ноќеска на полноќ поевтинуваат за денар, а дизелот за 1,5 денари, одлучи денеска Регулаторната комисија за енергетика (РКЕ).
Новата цена на ЕУРОСУПЕР БС-95 ќе изнесува 77,50 денари за литар, на ЕУРОСУПЕР БС-98 79 денари, а на ЕУРОДИЗЕЛ (Д-Е V) 66 денари. Екстра лесното масло за домаќинство (ЕЛ-1) поевтинува за денар, а литар од овој енргенс ќе се продава за 55 денари. Цената на мазутот М-1 НС се намалува за 0,834 денари за килограм и ќе чини 38,620 денари.
Намалувањето на малопродажната цена на нафтените деривати во просек е за 1,82 проценти. РКЕ ја донесе одлуката за поевтинување на горивата врз основа на просечната цена на суровата нафта на светскиот пазар и одност на денарот во однос на доларот во изминатите две недели.