Вредноста на акциите на најголемата социјална мрежа во светот „Фејсбук“ денеска за првпат од нивното котирање на берзата паднаа под 20 долари.
Денешниот пад на акциите следи по неколкудневното намалување на нивната вредност, предизвикано од очекуваната голема распродажба откако по 16 август на вработените во „Фејсбук“ ќе им биде овозможено да ги продаваат своите хартии од вредност.
Експертите проценуваат дека по почетокот на можноста за продажба на акциите од страна на вработените, па до ноември, на безата би можеле да се најдат 1,8 милиарди хартии од вредност на „Фејсбук“.
На стартот на берзанското котирање во мај, акциите на „Фејсбук“ чинеа 38 долари, но нивната вредност почна да паѓа уште од првиот дена на котацијата.
Со падот на вредноста на акциите на „Фејсбук“ за речиси 50 отсто, основачот и главен акционер на социјалната мрежа Марк Цукенберг испадна од листата на 10 водечки милијардери во ИТ секторот. Сегашното богатство на Цукенберг е намалено на 10,2 милијарди долари.