ФОТО: Заврши 12. издание на фестивалот за современи уметности АКТО во Битола

Од:

Со настапите на бендот Ланд, ДЈ Соња Исмаил и ДЈ Вера Умка, синоќа во Битола заврши 12. издание на фестивалот за современи уметности АКТО.

Во фокусот на ова издание беше иницијативата за ревитализирање на Офицерскиот дом како културен белег на градот Битола, а за таа цел во рамки на АКТО се одржа дебата на тема „Каков Офицерски ни треба?“ на која освен експерти од областа на културата и културното наследство, учествуваше и министерот за култура Роберт Алаѓозовски, како и пратеници од Собранието на Република Македонија.

Покрај дебатата како централен настан на фестивалот, АКТО и оваа година понуди разновидна програма на повеќе локации низ Битола, работилница за грамофони и ликовна работилница на тема „Децата за Офицерски“, изложба на квир фотографии и изложба на постери на тема „Футуристичките споменици од старата Југославија“ на авторот Зоран Кардула, настапи на македонски алтернативни бендови и диџеи, перформанс со актерот Здравко Стојмиров.

Фестивалот на современи уметности АКТО го организираше Здружението за уметност и култура ФРУ – Факултет за работи што не се учат од Битола/Скопје.

Би можело да ве интересира

Земјотрес e почувствуван во Битола и околината

Општина Битола издвои два милиони денари за семејствата на починатите и за повредените во пожарот во Кочани

Гори големо стрниште во околината на Битола

Мирен протест во Битола: Институциите дозволија живи да горат деца, да гори младината иднината на државата

Битолчани – шампиони во селектирање отпад: Успешно одложени 1 милион парчиња амбалажа во 2024 година

Јубилеј во Битола – 80 години од првиот наставен час на современ македонски јазик