В петок традиционален новогодишно-божиќен концерт на струмичките гимназијалци

Од:

Традиционалниот новогодишно-божиќен концерт на учениците од СОУ „Јане Сандански“ ќе се одржи в петок на големата сцена на НУЦК „Антон Панов“ во Струмица.

Годинашново деветто издание на празничниот и тематски концерт го носи името „One way ticket“. Музичарите и солистите од струмичката гимназија ќе ги исполнат хитовите кои ги полнеле подиумите во минатиот век.

– Се надевамe дека публиката ќе ужива во заразните диско звуци од ABBA, Bee Gees, Boney M и многу други изведувачи, информираат од Гимназијата „Јане Сандански“.

На концертот ќе настапат солисти, инструменталисти, хорски и танчарски групи под менторство на професорите Анита Станковска, Денис Кирчанов и Полина Ашикова.

Покрај првиот концерт, кој е закажан во 19 часот в петок, поради големиот интерес на публиката веднаш ќе се одржи и вториот.

Средствата од концертот ќе бидат наменети за обезбедување музичка опрема во кабинетот по музика на струмичката гимназија.

Би можело да ве интересира

Разрешени се сите членови на Организацискиот одбор на Струмичкиот карневал

Полицијата уапси пироман кој опожари две возила во кругот на струмичката болница

Две хаварисани возила изгореа во кругот на струмичката болница

Во Струмица се одржа протестен марш против енормното загадување

Скопје утрово со умерено ниво на аерозагаденост, прекинат прагот на алармирање во Струмица

Прекинат прагот на алармирање за аерозагадувањето во Струмица