Комисијата за односи со верските заедници и религиозните групи денеска пред Музејот на тетовскиот крај ќе организира свеченост по повод 250-годишнината од раѓањето на просветителот, народниот учител и игумен на Лешочкиот манастир Кирил Пејчиновиќ- Тетоец.
– Кирил Пејчиновиќ Тетоец е голема личност во македонската национална историја, неговото дело е првиот зрак на надеж после еден долг и темен период. Неговиот лик и дело особено се врежани во колективната меморија на населението од тетовскиот крај каде е роден и творел просветителот. Настанот ќе биде одлична можност да се потсетиме на неговиот голем придонес и да изразиме почит, соопштија од Комисијата за односи со верските заедници и религиозните групи.
Од Комисијата информираат дека по свечената академија, ќе биде отворена и изложба на избор на портрети на македонскиот академски сликар Павле Кузмановски.