„Соопштението за јавност кое СДСМ го лиферуваше денес е израз на нервоза и очај од успешното спроведување на културните политики и реализацијата на капиталните инвестиции во културата години наназад.
Убедени сме дека нема граѓанин во Република Македонија на кој не му е јасно дека СДСМ е партијата која нема имплементирано ниту еден единствен проект, а бројот нула реализирани инвестиции во областа на културата најдобро говори за нивниот однос кон оваа значајна сфера од општественото живеење. Граѓаните неодамна имаа можност на дело да се уверат во насилничкиот однос на СДСМ кон македонското културно наследство и негирањето на сопствената историја и култура. Место за споредба нема. Делата говорат се“ стои во реакцијата од Министерството за култура.