Институтот за етнологија и антропологија денеска ќе го претстави редизајнираното електронско и аудио списание „ЕтноАнтропоЗум“.
Електронската верзија на списанието има нов изглед, а во еден дел и аудиосписание, со што ѝ станува достапно не само на читателската, туку и на слушателската публика.
Автор на дизајнот е Петја Димитрова од Универзитетот „Св. Климент Охридски“ од Софија, која преку Еразмус + студентската размена за практична работа престојува неколку месеци на Институтот.
Аудиосписанието „ЕтноАнтропоЗум“ е проект во реализација на Центарот за етнолошки истражувања и применета антропологија и Институтот за етнологија и антропологија, со финансиска поддршка на Град Скопје. Досега се објавени шест броја на македонски јазик.