Министерот за култура Асаф Адеми денеска во просториите на Филхармонијата на Република Северна Македонија ќе оствари билатерална средба со министерот за култура на Црна Гора, Александар Богдановиќ.
Двајцата министри по средбата ќе потпишат нова Програма за културна соработка меѓу Министерството за култура на Република Северна Македонија и Министерството за култура на Црна Гора за периодот 2019 – 2022 година.
Министрите Адеми и Богдановиќ попладне во Музејот на македонската борба за самостојност ќе присуствуваат на отворањето на изложбата на свечена облека од фондот на Народниот музеј на Црна Гора „Европската мода на црногорскиот двор-рефлексии“.