По повод одбележувањето на 4 ноември, Денот на ослободувањето на Битола, Офицерскиот дом утре, организира „Отворен ден“ за сите граѓани и посетители. Воедно овој викенд КИЦ Битола е средиште на бројни културни случувања.
– Вратите на Офицерски дом, ќе бидат широко отворени за сите посетители, кои ќе можат да слушнат за историјата на Офицерски, да ја разгледаат внатрешноста и изложбите како онаа на Благој Мицевски – „ОпераДрамаБалет“- костими и фотографии“ во Кристалната сала,„Звукот на Битола“- посебно мултимедијално доживување во Свечената сала, репрезентативната поставката на „Битолска современа уметност“ во Западната Галерија, да уживаат во музичкиот маратон„Со љубов за Битола“ , да ја дознаат историјата на музиката во нашиот град преку книгата „Музика“ на Александар Стерјовски или едноставно да прошетаат и да уживаат во убавината на нашата гордост Офицерски дом, се вели во соопштението на КИЦ Битола.
