„Нема да биде крај на светот“ учествува на Интернационалните театарски средби „Брчко Дистрикт“ во БиХ

Од:

„Нема да биде крај на светот“, копродукциската претстава на Македонскиот народен театар, Перипетија продукција – Скопје и Сараевскиот воен театар САРТР – Сараево, на 24 октомври со почеток во 19:30 ќе биде дел од ИНТЕРНАЦИОНАЛНИТЕ ТЕАТАРСКИ СРЕДБИ БРЧКО ДИСТРИКТ, БиХ, насловени под слоганот „Болест на Општеството“ (Болест Друштва).

Во официјалната фестивалска програма кој започна на 20, а ќе заврши на 28 октомври, покрај нашата театарска куќа, опфатени се и театри од регионот, меѓу кои: Сатирично казалиште „Керемпух“ и Градско драмско казалиште „Гавела“, Загреб – Р Хрватска, Црногорско народно позориште и Центарот за култура во Тиват – Р Црна Гора, Босанско народно позориште, Зеница – БиХ, Ателје 212, Белград и Српско народно позориште, Нови Сад – Р Србија и други.

Театарските средби во Брчко се основани пред 49 години, а во својата речиси половина век долга традиција, средбите ги променија правилата и предлозите за организација, продукција, структурата на оценувањето и наградувањето на претставите и поединците, како и начинот на селекција и избор на изведби.

Според селекторот, проф. Владо Керошевиќ, од оваа година тоа се „Интернационални театарски средби“, на кои можат да учествуваат сите театри од БиХ и од странство, со квалитетни претстави без разлика на јазикот на кој е напишан или изведен драмскиот текст.

Би можело да ве интересира

Премиера на претставата „Океанија“ покрај струшкото крајбрежје

„Сите прекрасни нешта“ – нова претстава на штипскиот Народен театар

Две нови изведби на перформансот „Мачката Елеонора“ во МКЦ

Предраг Петровиќ

Јубилејни 50 години Театар „Чекори“ со премиера на претстава по делото „Крај на играта”

Детска интерактивна музичка претстава „Операта на шумските животни“ во НОБ

Предраг Петровиќ

Вечерва кумановскиот театар имаше премиера на претставата „Црвенкапа“