Министерството за култура и Скопскиот универзитет ќе соработуваат во делот на креативните индустрии

Од:

Министерството за култура и Универзитетот „Св. Кирил и Методиј“ денеска потпишаа меморандум за соработка со што ќе се отпочне со мапирање на креативните индустрии, идентификација на млади и трансфер на знаење кое ќе биде во корист на двете страни.

Меморандумот го потпишаа министерот за култура и туризам Зоран Љутков и ректорката на Универзитетот „Св. Кирил и Методиј“ – Скопје, Биљана Ангелова.

— На иницијативата на Министерството и Институтот за социолошко и правно-политички истражувања, започнуваме едно истражување во кое што Институтот за социолошко и правно-политички истражување има долгогодишно искуство. Тоа е делот на креативните индустрии. Практично, со ова истражување, почнуваме со мапирање на креативните индустрии, идентификација на млади, талентирани кадри, како трансфер на знаење и обуки кои ќе бидат од корист за двете страни. Со овој проект покажуваме дека е можна синергијата меѓу културата, образованието и науката, нагласи ректорката Ангелова.

Креативните индустрии, како што посочи Ангелова, стануваат значаен економски сектор, бидејќи иницираат самовработување и овозможуваат отворање на нови работни места.

— Денес креативните индустрии стануваат многу значаен економски сектор со самото тоа што иницираат на самовработување, со самото тоа што овозможуваат отворање на нови работни места, а ние токму со оваа соработка ги помагаме во креирањето на политиките коишто се однесуваат на креативните индустрии и во пренесувањето на знаењето на ова поле, додаде Ангелова.

Потпишувањето на овој меморандум, според министерот Љутков, е заедничка определба со цел да се поврзат културата и образованието како носители на иднината на секое општество, како на теоретско, така и на практично ниво.

— Со овој меморандум ние создаваме и рамка за заедничка соработка на повеќе нивоа, изработката на стратешки документи, политики за развој, како што спомна и ректорката, една од нашите најважни гранки во културата, тоа се креативните индустрии и вклучување на студентите во практична работа во институциите од културата. На овој начин отвoраме и можност за нови истражувања, размена на искуства, како и реализација на заеднички проекти. Воедно сакам да нагласам и дека овој документ е дел од нашата поширока стратегија за професионализација на културниот и туристичкиот сектор и зголемена вклученост на младите во културните процеси. Верувам дека ова партнерство ќе даде и конкретни резултати, а потпишувањето на овој меморандум ќе биде и почеток на една нова и значајна етапа во развојот на културната и образовната политика во Македонија, посочи Љутков.

Би можело да ве интересира

Љутков: Свесен сум дека не ги дадовме платите пред Велигден, но конечно го решивме проблемот

Левица: Љутков ги повикал сметководителите надвор од работно време да изготвуваат плата, спротивно на Колективниот договор

А1он

СДСМ: Не вреди извинувањето на Љутков, Владата намерно ги понижува културните работници

Предраг Петровиќ

Министерот Љутков им се извини на вработените во културата поради платата што доцни

А1он

СДСМ: Нема плата за Велигден за културните работници

А1он

Љутков: До крајот на оваа година ќе заврши конзервацијата на Стариот конак на „Св. Богородица“ во Тетовско

А1он