Во фоајето на Националната опера и балет вечерва во 20 часот ќе се одржи концертот „Уметничка соработка“ во рамки на програмата „Musica Viva“, како дел од одбележувањето на 55 години од основањето на Факултетот за музички уметности (ФМУ) – Скопје.
На концертот ќе настапат студентите од класите по корепетиција практика на Марија Вршкова, Сара Николовска и Елена Атанасовска-Ивановска, во соработка со студентите од класите по соло пеење, дувачки и гудачки инструменти на Михаило Куфојанакис, Владимир Костов, Стојан Димов, Страшо Темков, Горан Начевски, Ана Дурловски и Александар Поп Христов.
Влезот на концертот е слободен.