Излезе од печат првата разгледница „Поздрав од Голо Брдо“

Од:

Излезе од печат првата разгледница „Поздрав од Голо Брдо“ авторско дело на Никола Ѓурѓај, претседател на македонското друштво „Илинден“-Тирана и уредник на истоимениот весник на македонски јазик.

-Ваква разгледница посветена на областа Голо Брдо, за првпат е изработена во Република Албанија. Содржи 15 фотографии од селата во овој прекрасен крај, населен главно со Македонци. Покрај природните убавини со кои Бог ја дарувал областа, има и многу културни историски споменици, кој секој би посакал повторно да ги види, рече за МИА, Ѓурѓај.

Додаде дека ова негово дело има значаен придонес во зачувувањето и промоцијата на македонското културно наследство.

-Засега разгледницата ќе биде дистрибуирана низ цела Република Албанија, претставувајќи значаен придонес во зачувувањето и промоцијата на македонското културно наследство на Македонците во Република Албанија.

Првото издание на разгледницата е отпечатено со финансиска поддршка на семејството Ѓурѓај.

Во областа Голо Брдо распослани се 22 села, од кои 18 се населени со Македонци, додека во останатите населението е со мешан состав.

Би можело да ве интересира

„Овој пат таа кажува“ – 51. МОТ со програма во знакот на женскиот авторски глас

Skopje Design Week 2026: Скопје станува европска точка на средба на дизајнот, занаетчиството и новите креативни идеи

Огромен интерес за мастеркласот на Драган Бјелогрлиќ на Скопје Филм Фестивал 2026

„Бои и вино“ – ликовно ќоше каде секој може да биде уметник

А1 Македонија партнер на 26. Скопје филм фестивал

Ново издание на месечните „Кино средби“ на Францускиот институт Скопје во Кинотеката