ФОТО: Заврши првиот фестивал на светлината – Skopje Light Art District

Заврши првиот фестивал на светлината, Skopje Light Art District, кој се одржуваше од 6-ти до 9-ти октомври во главниот град на Македонија.

Водени од мотото „Следи ја патеката…“, неколку илјади посетители во изминатите три дена уживаа во интерактивните светлосни поставки, пеформанси и инсталации на 23-цата странски и домашни светлосни уметници.

Отворањето на Фестивалот беше проследено со 3-димензионалното мапирање на Милчо Узунов и Златко Славенски, проектирано на фасадата на зградата „Ибни Пајко“, а заинтересираните, следејќи ја „патеката“, можеа до денеска да ги погледнат изложените дела.

Светлечките ГМО зелки, автомобилите што го имитираат ефектот на стаклена градина, добрите духови, рибегалците, силуетите и останатите поставки, со својата креативност и шареноликост, успеаја да им го задржат вниманието на скопјани, но и да додадат малку повеќе светлина и боја во нашето секојдневие.