Француската Алијанса од Битола во соработка со Францускиот Институт во Скопје и НУ Центар за култура од денеска до 23 април во Битола ќе ја одржат манифестацијата Денови на францускиот филм.
На програмата се четири оригинални современи француски филмови кои го прикажуваат богатството и различноста на француското кино, едно од најразвиените од светот, информираат организаторите на вечерашниот културен настан во Битола.
Манифестацијата „Денови на француски филм“ ќе биде отворена со годинешниот филм „Готвачката на претседателот“ на Кристијан Венсан, а во наредните вечери ќе бидат прикажани „Име“ на Александар де Ла Пателиер, „Љубовџии“на Риад Сатуф, а ќе заврши на 23 април со проекција на филмот „Госпоѓица Шамбон“ на Стефан Бризе.