Мал авион со тројца Канаѓани исчезна синоќа над Антарктикот. Покрената е потрага по нив, јавуваат американски медиуми.
Авионот со кој се превезувале исчезнал на лет од Јужниот пол кон италијанската база Тера Нова Беј.
Координаторот на спасувачката мисија наведе во соопштение дека авионот Херкулес Ц-130 летал до планински венец, но не успеал да види мал авион за кој се претпоставува дека се урнал.
На местото од каде за последен пат е добиен сигнал од тој авион ќе биде испратен хеликоптер кога временските услови ќе бидат подобрени, се додава во соопштението.