Уапсен е осомничениот за грабеж на шест цркви во Охрид. На 43-годишниот штипјанец му е одреден триесет дневен притвор и е поднесена кривична пријава.
Тешките кражби биле извршени од 27-ми минатиот до 7-ми овој месец, со употреба на камен, ноќ и друг алат дејствувајќи врз катинарите и бравите.
„Пријавениот подолго време вршел и поситни кражби од цркви во Струга, Кичево, Тетово и Скопје, но и од куќи каде привремено престојувал. Од станоиздавач во Охрид каде привремено се сместил, пријавениот одзел златен и сребрен накит, а потоа ги продавал во повеќе златари во Скопје. Од извршените кражби, пријавениот се стекнал со противправна имотна корист од околу 30 илјади денари“, информира полицијата.
Во црквата „Св. Богородица“ Каменско, се обидел со нож да ја отвори касата кај олтарот по што од крст одзел 20 сребрени пари. Истите, подоцна ги продал во златара во Скопје.