За програмата „Млад земјоделец“ пријавени 1.045 земјоделски производители

Од:

За учество во програмата „Млад земјоделец“ во определениот термин за аплицирање од 19 минатиот месец до 19 месецов се пријавени 1.045 земјоделци.

Од Агенцијата за поттикнување на развојот на земјоделското производство-АПРЗ со седиште во Битола информираат дека нивните стручни лица им помогнале на над 870 млади земјоделци во изработката на апликацијата и подготвка на деловен план.

– Јавниот повик беше наменет за доставување на барања за користење на средства од програмата за финансиска поддршка на руралниот развој за 2018 година, мерка 112, каде сите млади земјоделци на возраст до 40 години и запишани во Единствениот регистар на земјоделски стопанства согласно Законот за рурален развој, можеа да аплицираат за добивање средства за „Млад земјоделец“ од Програмата за рурален развој. Максималната прифатлива инвестициja изнесува 600.000 денари, а средствата може да се користат за почнување на земјоделска дејност, односно за инвестиции во опрема за преработка на земјоделските производи и производи од животинско потекло, како и за отворање на сопствен агро бизнис, посочуваат од АПРЗ.

Во предвидениот период аплицирале 1.045 земјоделски производители, а преку АПРЗ се пријавиле 876 млади земјоделци, на кои советниците од Агенцијата им ги комплетирале барањата и им изработиле деловен план, како еден од основните документи за поднесување на барањето за користење на финансиската поддршка од оваа национална програма.

– Интересот на земјоделските производители беше најголем во пелагонискиот регион и реонот на Преспа, каде советниците од регионалниот центар Битола при АПРЗ изработија над 540 комплетни апликации, особено во Битола, Ресен и Прилеп, каде аплицираа повеќе од 150 млади земјоделци во секој град, информираат од АПРЗ, и додаваат дека споредено со минатата година, оваа година интересот е зголемен за околу 350 апликанти.

Би можело да ве интересира

(ВИДЕО) Петрушевски: Арекспорт со договор кој го потпишал Љупчо Николовски се обврзале на инвестиција од над 2.4 милиони евра, не реализирале ниту 300 илјади

МЗШВ: Префрлени се сто милиони денари на АД Водостопанство за заостанатите плати

МЗШВ: Лозарите претходната Влада ќе ја паметат по ниските откупни цени и безредие

МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани грла говеда

МЗШВ: Исплатени субвенциите за остварено производство во овоштарство и градинарство со вредност од 302 милиони денари кон 13.440 земјоделци

МЗШВ: Со измените во Законот за стокови резерви, оризовата арпа се вбројува во листата на стратешки култури за државата