Членовите на Управниот одбор и на Програмската комисија на Европската мрежа за литература и книги „Традуки“ имаат тридневна работна средба во Скопје, во чии рамки денеска ќе биде потпишан Договор за соработка за периодот 2019/2020. На потпишувањето ќе присуствува и министерот за култура Асаф Адеми.
Република Македонија од минатата година е полноправна членка на „Традуки“ – европска мрежа за литература и книги во која членуваат и Австрија, Албанија, Босна и Херцеговина, Бугарија, Германија, Косово, Лихтенштајн, Романија, Словенија, Србија, Хрватска, Црна Гора и Швајцарија.