Никола Бадев му докажа на светот дека овде постои мал народ, но богат со културна традиција, рече неговата ќерка Роска, синоќа во Кавадарци, при отварањето на посебна просторија во новиот музеј, во која се сместени предмети што сведочат за животот и делото на Бадев.
-Сон ми беше Спомен соба за Никола Бадев и тој сон сега ми се оствари. Мојата животна мисија беше токму ова, да се слави делото на мојот татко, кој ја пренесе македонската песна низ целиот свет, додаде таа, заблагодарувајќи се на сите кои слават 100 години од раѓањето на Бадев, заедно со неговите најблиски.