Двајца вработени на шалтер во подружница на „Македонска пошта“ во Битола неовластено зеле 165.942 денара.
Полицијата соопшти дека се работи за лица на возраст од 52 и 53 години, со иницијали Љ.Г. и В.С. од Битолско.
„Минатиот месец првопријавениот, вработен како шалтерски работник во ‘Македонска пошта’, подружница Битола, неовластено зел парични средства доверени на благајната во две пошти во селата Цапари и Кажани во износ од 143.432 денара. Второпријавениот, вработен како шалтерски работник во ‘Македонска пошта’ – подружница Битола, неовластено зел парични средства во износ од 22.510 денари, кои ѝ биле доверени во благајната на поштата во село Кукуречани“, соопшти полицијата.