Денешниот самоубиствен напад врз американската Амбасада во Анкара наводно го извршил член на забранетата милитантна комунистичка група Движење за народно ослободување, јави турската агенција Анадолија.
Агенцијата објави дека напаѓачот кој активира експлозив што го имал на себе, е идентификуван како Еџевит Санли.
Тој бил уапсен во 1997 година поради напад врз зграда на полицијата во Истанбул и воениот комплекс Харбие. Во затвор во 2000 година учествувал во низа штрајкови со глад. Поради нарушено здравје, Санли во 2002 година бил пуштен на условна слобода.