Вкупната бројка на заболени од грип во Гостиварско надминува четиристотини. Кај пациентите кои побарале медицинска помош во ординациите издвоени се три типа на вирус што предизвикуваат грип.
Според епидемолозите од гостиварскиот Центар за јавно здравје, бројката на регистрирани случаи драстично е зголемена. Во третата недела на јануари регистрирани се 330.
Докажано е присуството на три вида на вирус. Со лабораторски анализи изолирани се два случаи на свински грип, два на сезонски и два од типот „Б“, информираат од Центарот за здравје во Гостивар.
Оттаму нагласуваат дека клиничката слика на заболените е полесна. Најголемиот дел од пациентите се лекуваат во домашни услови, а десетина случаи биле згрижени на Инфективното одделение во Гостиварската општа болница.
Минатата сезона во гостиварскиот регион, од грип беа заболени помалку од 500 лица.