Градоначалникот на Општина Штип, Благој Бочварски, денеска по повод празникот Курбан Бајрам упати честитка до сите верници од исламската вероисповед во Република Македонија, во која се вели:
„Дозволете ми во мое лично име и во име на Општина Штип, на сите Вам сограѓани од Исламската верска заедница во Република Македонија да Ви ги упатам искрени честитки по повод големиот верски празник Курбан Бајрам и воедно да Ви посакам добро здравје и многу успеси. Празничните мигови нека донесат мир , почитување, благосостојба и сите заедно да чекорими по патот на вистинските вредности.
Заеднички да ги славиме и негуваме меѓусебната толеранција, солидарност и почит како темели за напредокот на нашата држава и сите нејзини граѓани. Во оваа прилика уште еднаш да посакам мир и љубов, на сите Вам наши сограѓани. Овој голем празник да го поминете во кругот на семејството во добро празнично расположение,“ стои во честитката од градоначалникот Бочварски.