Министерот за култура Асаф Адеми денеска во Приштина имаше работна средба со косовскиот министер за култура Кујтим Гаши, на која договориле да ја продлабочат соработката.
Како што соопшти Министерството за култура, Адеми на прес-конференција искажал задоволство што првата официјална посета во странство ја има во Косово.
– За нас не е само пријателска соседна земја, туку и земја со која имаме национални, семејни, но и културни врски, истакнал Адеми.
Косовскиот министер Гаши соопштил дека се согласиле во септември да потпишат заеднички календар на активности со што ќе ја продолжат соработката во иднина.
По официјалната средба, двајцата министри го посетиле археолошкиот парк Улпијана.