Во Струга синоќа е ограбена црквата „Света Петка“ што се наоѓа спроти Општата болница. Според првичните информации, украдени се бакарни шандани каде верниците палат свеќи и пари што луѓето ги оставаат за здравје.
Полицијата потврди дека имало кражба во црквата. – Настанот во полицијата е пријавен утрово околу 7 часот. Се уште трае увидот на нашите екипи и засега се знае само дека не се одземени икони од црквата, изјави портпаролот на Секторот за внатрешни работи на Охрид, Стефан Димоски.
Верскиот објект е сместен на прометна улица во центарот на Струга, а веднаш до него е лоцирана и автобуска постојка.