Научниците од Бар-Илан универзитетот за нанотехнологија во Тел Авив тврдат дека направиле капки за очи кои можат да ги поправат оштетувањата на рожницата и трајно да го поправат видот на некои луѓе.
Израелските научници тврдат дека е во прашање револуционерно откритие кое ќе им помогне на лицата со штетен вид.
Тимот научници досега овој производ го тестирале на домашни животни кои имале оштетени рожница.
– Производот го тестиравме на свињи кои имаат оштетувања на очите и се покажа како ефикасен бидејќи се излечени сите симптоми на болеста, тврдат докторите.
Овие капки се уште не се тестирани на луѓе, а тимот научници се надеваат дека тие тестирања ќе се случат кон крајот на оваа година.
– Сметаме дека новиот производ во целост ќе ги реши проблемите со видот кај луѓето и во иднина нема да има потреба за носење очила, тврдат научниците.
Тие сметаат дека капките за очи подеднакво ефикасно ќе ги решат проблемите со кратковидост и далекувидост, како и други проблеми поврзани со видот.
Овој производ исто така ќе им помогне на луѓето да се ослободат од леќите и ќе им понуди потполно нов поглед на светот.
Засега не е познато колку дози од капките ќе бидат потребни за решавање на проблемите, ниту колку овој производ ќе чини на пазарот.