Осмооделенец од Србија напиша состав на тема „Добро однесување”, кој го обиколи Балканот:
„Кога е ладно, ежето бара други ежиња за да лежат заедно, да се соберат, затоа што така им е потопло. Ако немаат боцки, тоа би било лесно, но ежињата имаат долги и остри боцки. Кога ќе се соберат во куп се боцкаат едно со друго. Тоа не е добро, а не е добро ни кога им е ладно. Затоа ежињата долго се мачат, додека не најдат некое згодно растојание: Да бидат едно до друго, а да не се боцкаат. Тоа растојание се вика ДОБРО ОДНЕСУВАЊЕ. Тоа е ДОБРО ОДНЕСУВАЊЕ, да не те повредам јас тебе, да не ме повредиш ти мене, да си помогнеме еден со друг, да ни биде и мене и тебе добро.“