Непознат сторител вчера околу 17:50 часот од пред продавница на улицата „Ѓорче Петров“ во Скопје одзел патничко моторно возило марка „БМВ Х5“ со скопски регистарски ознаки.
Како што информира МВР, сторителот го искористил невниманието на сопственикот Т.И. (43) кој излегол од возилото и го оставил да работи. Влегол во возилото и со голема брзина заминал од местото на настанот. На тој начин се стекнал со противправна имотна корист од околу 750.000 денари.
Се преземаат мерки за пронаоѓање на сторителот и возилото и за целосно расчистување на случајот.