Поранешниот тексачки магнат Р. Ален Стенфорд е осуден на 110 години затвор поради измама.
Тој манипулирал со инвеститорите и се стекнал со седум милијарди долари за повеќе од 20 години.
Обвинителството ја бараше максималната казна за вакво дело од 230 години.
Судењето на Стенфорд траеше седум недели и на крај беше прогласен за виновен во 13 од 14 точки на обвинението.
Стенфорд во својата одбрана рече дека е „жртвено јагне” и ја обвини владата и надзорниот одбор кои го презеле управувањето на фирмата.
Стенфорд некогаш беше еден од најбогатите луѓе во САД, а неговото богатство се проценува на повеќе од две милијарди долари.
По неговото апсење, целиот негов имот е конфискуван, а адвокатите кои го бранеа му беа доделени по службена должност.