Во разбојништво кое се случило утрово, под закана со оружје од вработен во обложувалница во Гостивар одземени е поголема сума на пари.

Според СВР Тетово, разбојништвото било пријавено утрово околу 9 часот. Од првичните сознанија по увидот што го извршиле од гостиварската полициска станица, непознато лице со маскирана капа влегло во обложувалницата на „Спорт-лајф“ која се наоѓа во строгиот центар на градот. Кон вработениот упатил закани и му вперил пиштол, по што побарал да му се дадат пари.

Непознатиот маж со парите набрзо се одалечил, по што му се губи трагата. Од СВР Тетово информираат дека работат на утврдување на идентитетот на разбојникот, сумата на пари која е одземена и другите поединостите околу овој настан.