Владата објави што сè исполнила во првите три месеци од предвидениот план 3-6-9.
„На 38. седница Владата ја разгледа и прифати информацијата за фактографскиот преглед на статусот на имплементација на мерките предвидени во планот 3-6-9 заклучно со 14 ноември, како и информацијата за активностите што ќе бидат преземени во наредниот период што ги опфаќаат одредниците 6 и 9 во планот, соопшти Владата.
Од таму велат дека фактографскиот преглед на статусот на имплементација на мерките предвидени во планот 3-6-9 за првите три месеци покажува дека пакетот-мерки во првите три месеци се исполнети во најголема мера, пред сè, како резултат на силната политичка волја и заложба на Владата и надлежните институции.
Во наративниот план за идниот период, се вели во соопштението, мерките од делот 6 и 9 се дефинирани и ажурирани врз основа на препораките содржани во извештајот на групата високи експерти за системските прашања од владеење на правото и консултациите со сите засегнати страни. Предвидените мерки планирано е да се реализираат до декември оваа и март 2018 година или пред објавувањето на следниот редовен извештај на Европската комисија за Македонија.
Статусот на имплементација на мерките предвидени во планот 3-6-9 може да се прочита ТУКА.