Домашната компанија за кондиторски производи „Мултипром“ го проширува производството со три нови погони. Изградбата на објектите лоцирани во локалната економска зона „Ограѓа“ почна денеска.
Објектите се со површина од по 2.000 метри квадратни, кои се очекува да отворат нови 100 до 150 работни места.
„Мултипром“ во која денес има над 300 вработени е формирана во 1991 година, а од 2005 година стопанисува во Општина Илинден. Од Општината наведуваат дека тоа е една од првите компании со кои почнува инвестицискиот циклус во Општината, која има 6 проценти невработеност.
Спопред сопствениците на компанијата, новите производствени погони треба да бидат готови идната година.