Златен накит, часовници и девизи синоќа се украдени од куќа на улицата „Беличица“ во Гостивар.
Портпаролот на СВР Тетово, Марјан Јосифоски информира дека кражбата синоќа околу 20 часот ја пријавила сопственичката на куќата М.Ф. Кражбата била извршена додека сопственичката на куќата заедно со сопругот биле излезени од домот.
Крадците влегле откако скршиле еден од прозорците на куќата по што од спалната соба одзеле две кутии со повеќе парчиња златен накит, женски часовници и 650 евра. Вкупната вредност на украдените предмети се проценува на 560 илјади денари, а причинета е штета од над седум илјади денари.
Полициска екипа извршила увид на местото на кражбата и се преземаат мерки за откривање на сторителите.